Uit die Beek 2026

Uit die Beek is net oor 'n 100 jaar oud, en bied al generasies lank geestelike leiding en inspirasie vir gelowiges.

In hierdie uitgawe begin ons ons reis by Genesis. Ons lees in die Ou Testament ook uit Eksodus, Rut, 1 Samuel, 2 Samuel, Ester, Psalms, Spreuke, Prediker en Jesaja. In die Nuwe Testament lees ons uit Markus, 1 Korintiërs, Filippense, 1 Tessalonisense, 2 Tessalonisense, 1 Timoteus en 2 Timoteus.

Soos gewoonlik word die belangrikste seisoene van die kerkjaar in ag geneem met spesiale boodskappe vir die Lydenstyd, Paasfees, Pinkster, Koninkrykstyd, Advent en Kersfees.

Mag jy, liewe leser, vanjaar opnuut hoor dat jy aan die Here Jesus Christus behoort, dat Hy by jou is, en dat Sy genade vir jou genoeg is!